728x90 شفرة ادسنس

الثلاثاء، 12 يناير 2016

قصة كريم وأداب الطعام

​«حدوتة قبل النوم».. «كريم وأداب الطعام
لكل أم تجد صعوبة في نوم أطفالها، إليكِ حلا سحريًا للأخذ بيد طفلك إلى عالم الأحلام والنوم الهادئ.. «شيماء عبد العال» تقدم مجموعة قصص يومية تساعدك على ذلك:

حدوتة النهاردة... «كريم وأداب الطعام»

كان ياما كان، كان في زمان، ولد اسمه كريم، كريم كان ولد جميل ونشيط، لكن مشكلته كلها كانت في الطعام، لما كان بيجي ياكل كان بيعمل شوية تصرفات وحشة جدا جدا، رغم انه لما كبر وبقي عنده تلات سنين، بدأت مامته تدربه علي انه يعتمد علي نفسه و يأكل نفسه، قالتلوا ساعتها بص يا كريم، الطعام ده ليه آداب، رسولنا الكريم سيدنا محمد ( صلي الله عليه و سلم ) وضحهالنا ولازم نلتزم بيها ودي تعتبر الاساس وهي سمي الله و كل بيمينك و كل مما يليك.

يعني لازم قبل ما نبدا نأكل نقول بسم الله الرحمن الرحيم ولما نخلص الاكل نقول الحمد لله الذي اطعمنا و سقانا و جعلنا مسلمين و لما نيجي ناكل نستخدم ايدينا اليمين في الاكل و ناكل من الاكل القريب مننا علي السفرة، ده غير ان في شوية اداب تانية لازم نراعيها اثناء الاكل زي مثلا اننا لازم نغسل ايدينا قبل الاكل و بعد الاكل، واننا نقفل بوقنا اثناء مضغ الطعام، و منطلعش اصوات عاليه واحنا بناكل ونأخد كميات بسيطة من الاكل علشان نعرف نمضغها كويس، وكمان لو في نوع اكله مبنحبش ناكله نسيبه و ناكل اي اكل تاني من الموجود، مينفعش نقول علي نعمه ربنا انها وحشة، وبرغم ان مامه كريم كانت علي طول بتفكره بالحاجات دي في كل مرة يجي يأكل فيها الا انه كان دايما بينسي ودي اكتر حاجه كانت بتزعل مامته و باباه منه ولما كبر كريم وبقي عنده اربع سنين ودخل المدرسة وبقي عنده اصحاب وبقي في توقيت معين هو و زمايله كلهم بيطلعوا اكلهم و ياكلوا فيه، بدأ اصحاب كريم ياخدوا بالهم من عادته الغلط اللي بيعملها و هو بياكل، وبدأوا يضايقوا منه ويبعدوا عنه لان منظره بصراحه كان بيبقي وحش اوووي خاصه و هو بيتكلم وهو بيمضغ الاكل، والاصوات العالية اللي كان بيعملها و هو بياكل.

ولا لما كان بيمسك السندوتشات وايده مش نظيفه و ياكل بيها اصحابه بقوا بيقرفوا منه جدا و طلبوا من المدرسة تنقلهم من جمبه و لما المدرسة بتاعتهم عرفت منهم السبب اخدت كريم علي جنب لوحده وقعدت تفهمه ان الاكل ليه آداب لازم نلتزم بيها و لسه هتشرحلوا ايه هي الاداب دي قالها انا اسف انا فعلا غلطان انا مامتي قالتلي كل الكلام ده لكن انا اللي مسمعتش كلامها دلوقتي بس عرفت ماما وبابا كانوا بيزعلوا مني ليه لما مكنتش بلتزم بأداب الطعام، و لما رجع البيت اعتذر لمامته ووعدها انه مش هيعمل كدة تاني، ردت مامته و قالتلوا انه لازم يلتزم بأداب الطعام مش بس عشان مامته وباباه واصحابه ميزعلوش منه و يضايقوا لا و عشان ربنا كمان يرضي عنه ويحبه.


اعلان 1
اعلان 2

1 التعليقات :

  1. عدي يعني على فكره الفديو ده منيمش الطفل وحش جدا جدا😼

    ردحذف

عربي باي