728x90 شفرة ادسنس

الاثنين، 29 فبراير 2016

ابنى بيشبط فى كل حاجة فى السوبر ماركت اعمل ايه

السؤال كان  :-


ابنك معاكى في السوبر ماركات وكل شوية يشبط في حاجة و عايزها ولما تقولي لا يفضل يعيط ويفضحك المكان تصرفك حيكون ايه
1 حتشترى ليه الي هو عاوزه عشان تخلصي من عياطه و زنه
2 حاجبله حاجة واحدة او حاجتين والباقي حقوله لا
3 حتسبيه يعيط ومش حتعبريه
4 حتقوليه بكرة حجباهالك عشان نسيت اجيب معايا الفلوس النهاردة
5 عندك اجابة اخرى وايه هى ياترى

ودى رؤيتنا للحل

مبدئيا خلينا نتفق علي حاجة وهى ان الوقاية خير من العلاج بمعنى ان المفروض قبل ما تدخلي ما ابنك السوير ماركت انك حتححدى ليه عدد حاجات معين او مبلغ معين لا يتخطاه ويبقي افضل كمان انك تدي لابنك الفلوس في ايده ( لو كان سنه يسمح ) وهو يختار ويحاسب لوحده عشان تعوديه على تحمل المسؤلية وتحمل نتيجة اختياراته
تانى نقطة لما ابنك يشبط في حاجة زيادة عن الي انتوا اتفقتوا عليهو قعد يعيط ويعلي صوته ممنوع تماما انك تسمعى كلامه والا حيبقي ده سلاحه معاكى عشان ينفذ رغياته
مش معنى ان معاكى فلوس كفاية انك تجبيله كل الي يقوله ده كده خيدخل في نطاق التدليل الزائد وده خطر جدا علي شخصيته لازم يعرف ان مش كل طلباته مجابة بانه لما يكبر مش حيلاقي الدنيا بتديله كل حاجة
يفضل تشترى لابنك الحاجة بتاعته في الاول وده حيخليه يسهى فيها لحد ما نخلص تسوق
لو طلب ابنك حاجة اكتر من الي اتفقتوا عليه وانتى فعلا نفذتى كلامك ومجبتهاش ممكن تجبهاله بعد كده بس تكون مربوطة مثلا بانه غسل سنانه او حاب درجات اعلي او رتب اوضته وبكده انتى حتعمليه ان النجاح والسلوك الجيد هو الي يخليه يحصل علي طلباته واحلامه ومش البكاء والصريح

الأحد، 28 فبراير 2016

تعليم الحيوانات للأطفال


يلا بسرعة هاتوا اطفالكم وخليهم يتعرفوا على الحيوانات  واساميها وبعد ما 
تعرفى طفلك عليها اساليه اكتر من مرة لحد ما يحفظها

اسد




قرد


قطة



حصان

كلب


بطة




كتكوت


حمار


بقرة



هو ليه ابنى عصبي و عنيد ؟؟

قبل ما تسالي هو ليه ابنى عصبي هو ليه عنيد هو ليه عنيف وييضرب اخواته

اسالي نفسك الاول انتى بتعامليه ازاى

بتضربيه؟
عصبية معاه ؟
امتى اخر مرة خرجتيه من البيت وساعدتيه أنه يخرج طاقته للزايدة ؟
ودتيه نادى يلعب رياضة ؟
طول اليوم تعليمات وكل واشرب وحاسب حتبدهل البيت ولا بتشاركيه حياته ولعبه ؟

متنسيش انتى قدوة ابنك اتولد ورقة بيضا وانتى الي بتكتبي عليها براحتك  و بتلونبها
يا اما تطلع وردة ؟
يا امى تطلع مسخ ملوش معنى ؟

اختارى بنفسك

الأربعاء، 24 فبراير 2016

حدوتة عن الطفل الي مش بيبطل يقول عايز

حدوته هتكلمك عن الطفل اللي مش بيبطل يقول عايز...دايما عايز لعب او حلوي ولا يكتفي....
جومانة...امورة جدا ....وعندها اخت توأم اسمها جوري....بس فيه حاجة مضايقة جومانة......جوري....هاديه ومش بتوقع لعبها ومش بتتنطط كتير ....ودايما كلمات ماما الحلوة لجوري"شاطرة يا جوري....شايفة يا جومانه هدوء جوري"....
جومانه بتحب تتنطط ...وتتحرك...لكن نفسها تعجب ماما ...ومش قادرة!!!! كلام ماما دايما عن شطارة جوري؟؟؟؟؟
جومانة حاولت تقعد هادية لكن مقدرتش وفي الاخر نطت برضه ...وماما بصت لها بزعل كان عندهم ضيوف!!!
جومانه سألت جوري"هو انتي ازاي هادية؟"
جوري قالت"باقعد ساكتة"
جومانه مش عارفة تخلي ماما تتكلم عنها مع انها شاطرة اوي في الرسم والجمباز ....
جومانه بقت كل ما تشوف ماما تطلب اي حاجة عصير ...حاجة حلوة....جنيه....خروجة...
بالطريقة دي ماما مش لاقية وقت تشكر في جوري.....
ماما تعبت وبقت تزعق لجومانه "انتي مش بتبطلي طلبات؟"
ماما بتقفل علي نفسها وبتشتكي من جومانة لتيته وجدو
تيته جات تقعد النهاردة مع جومانة وجوري عشان ماما هتتأخر في مشوار...
تيته شافت رسم جومانة "روعه يا جومانة"
جومانه فرحت اوي وفرجت تيته علي الرسومات
تيته عجبتها اوي الرسومات زي ما عجبها هدوء جوري
ولما لعبت البنتين بالعرايس ...تيتة عجبها اوي نشاط جومانة زي ما عجبها هدوء جوري. ..جومانة كانت فرحانه اوي وما طلبتش من تيتة طلبات كتير...
ماما رجعت مجهدة فوجئت ان البنتين قاعدين بيلعبو مبسوطين وتيته مبتسمه.....
جومانه لاحظت ان تيته اخدت ماما علي جنب..تكلمها..
الطفل الذي يشعر انه غير قادر علي ارضائكم ولا جعلكم تمدحونه....يحاول ازعاجكم كي تلفتوا اليه بأي صورة ...
كل طفل له ميزاته من فضلكم لا تمدحوا واحدا وتتركوا الاخر فريسة للالم النفسي لانه سيكون فيما بعد مشكلتكم الكبيرة
اشباع الطفل يكون بارضائه عقليا ومهما جبتي لعب وهو مهزوز نفسيا لن يستريح. .

الاثنين، 22 فبراير 2016

نفسك ابنك يكون مبدع ؟؟؟

لو نفسك ابنك يكون مبدع

اوعى تزعلى من اسئلته الكتير وحاولى تجاوبي عليها على قد ما  تقدرى , الطفل الى بيسأل كتير ده دليل على نبوغه و ذكاءه

اوعى تضربيه وتقهريه عمر الضرب ما جاب نتيجة وانتى جربتى بنفسك وعمره ما جاب نتيجة قبل كده بالعكس انتى كده حتخليه عنيد او ضعيف الشخصية وحتقتلى الأبداع عنده لان الخوف ضد الأبداع

العبي معاه واقعدى معاه كتير و كلميه واحكيله حكايات وقصص التربية عمرها ما كانت  الاكل و الشرب و النضافة بس

مش كل حاجة لأ لأ لأ لأ   خليه ينطلق طالما مش حيأذى نفسه  ولما بتقولى لأ كتير بتفقد معناها ومش بتكون مؤثرة

يارب يزرق اولانا و اولادكم الابداع ويزقكم حسن التربية و التصرف

الجمعة، 19 فبراير 2016

كيف تجعل طفلك يعترف بخطأه

كيف نجعل الطفل يعترف بخطئه ؟

إذا أخطأ الطفل وجاء يصارحنا بحقيقة خطئه
هل نثور ونغضب ونعاقبه؟ 
فتكون النتيجة
الخوف والجبن وعدم مصارحتنا بأي خطأ يرتكبه بعد ذلك
وبهذا نضع أولي بذور الشخصية الكاذبة المخادعة الجبانة
أم نستمع إليه ونعطيه الوقت
ليفسر سبب خطئه ولا نشعره بالخوف بل نطمئنه ونعلمه الطريق الصحيح للتصرف لنشجعه علي قول الحقيقة
والصراحة مما يساعد علي
بناء شخصية شجاعة قادرة علي تحمل المسئولية والمواجهة وتحمل أخطائها..والقدرة علي إصلاحها..
كما يساعد ذلك الآباء علي
معرفة المشاكل التي قد تواجه الطفل مبكرا
وبذلك يستطيعون مساعدته بسرعة قبل تفاقم المشكلة فاعتراف الطفل بخطئه عادة صحية لابد من تشجيعه عليها..
وإذا رغبنا في عقاب الطفل علينا
عدم التجهم
عدم التجهم في وجه الطفل أو الغضب المبالغ فيه وعدم زرع الخوف في نفسه..
شرح الخطأ
إذا كان الخطأ لا يستحق العقاب فلا بد من شرح الخطأ للطفل وشرح كيفية عدم الوقوع فيه مرة أخرى.
العقاب الهادف
إذا كان يستحق العقاب فلا بد أن يكون العقاب هادفاً وليس مهينا للطفل أو مسيئاً لكرامته أو مؤلماً له فمثلاً إذا كسر كوب ماء يمكن شراء كوب بديل من مصروفه أو تنظيف المكان من آثار الكسر..
معرفة قدراته
على الوالد معرفة إن للطفل قدرات محدودة وانه مازال في مرحلة التعلم لذلك يحق له ارتكاب بعض الأخطاء.


القواعد الثابتة


  • أن يكون للأهل قواعد ثابتة للخطأ والصواب 
  • وألا يترك العقاب لمزاج الوالدين ولحالتهما النفسية أو لشخصيتهما
  • فإذا كانا عصبيين يعاقبان الطفل أما إذا كانا هادئين فيصفحان عنه..
  • وبذلك تضطرب مقاييس الطفل
  • لأنه لا يعرف الصواب من الخطأ فعدم وجود قواعد ثابتة للتعامل مع الطفل هي أسوأ طريقة لتربيته والتعامل معه...
عربي باي