مشكلة حساسة جدا بتمس كل بيت

حنتكلم معاكم النهاردة في مشكلة حساسة شوية لكنها بتمس كل بيت وبتاثر بطريقة سلبية علي الاطفال وعلى سلوكهم

كتير من الازواج و الزوجات مش بيراعوا وجود الاطفال وبيحدث بينهم تصرفات غير لائقة امام الاطفال بحجة ان الاطفال مش فاهمين زى القبلات و الاحضان المبالغ فيها او بعض اللمسات بل بيوصل في بعض الاحيان ان بيبقي الطفل نايم جنبهم وبيحصل علاقة كاملة بينهم !!!
هو ممكن اه طفلك يكون مش فاهم بس دى في حد ذاتها  مشكلة لانه مش حيعرف ان ده تصرف طبيعي بين الزوج والزوجة وحيععم الي شافه وحيفتكر ان ده عادى ممكن يحصل بين اى اتنين فممكن يكرره مع اخته أو زميلته او حتى مع الام
الأسؤا من كده ان مش حيفرق ان  ده تصرف بيحصل بين ذكر وانثي وممكن جدا يكرره مع اخوه او صاحبه

ولكم ان تتخيلوا نتيجة التصرفات دى على الأطفال فهى السبب الرئيسي لحالات التحرش والشذوذ بين الاطفال والي مع الوقت بيكبر و بيبقي خارج السيطرة

فارجوكم خدوا بالكم قوى من النقطة دى وشاركونا برأيكم وتجاربكم لو كان حصل ومريتوا بمشكلة زى دى وازاى تعاملتوا معاها