728x90 شفرة ادسنس

الجمعة، 4 ديسمبر، 2015

خلاصة نقاش الاسبوع و رأينا عن مشكلة ضرب الاطفال والعصبية من الامهات

صصصصص

كنا عرضنا مع بعض موضوع للنقاش خلال الاسبوع عن ضرب الاطفال  كاسلوب عقابي  فى المنتدى الملحق بتطبيق اجيال , شكرا جدا لكل واحد شارك برايه وده راينا فى الضرب كاسلوب عقابي

مبدئيا الكلام ده مش حيعجب ناس كتير وفيه كتير منكم حيقولوا انه مش واقعى ومش حينفع ومش حنقدر نطبقه ومش حنقدر نمسك اعصابنا مع اطفالنا اصل انتوا متعرفوش هما بيعملوا فينا ايه

لكن خلينا نسألكوا سؤال انتوا هدفكوا من عقاب اطفالكم تقويم السلوك ومنع الطفل من تكرار السلوك السىء فى المستقبل ولا مجرد انك تطلعى عصبيتك عليه وتظهرى غضبك (زى ما بيقولوا تفشى غيظك ) ؟

 

جوابكم على السؤال ده هو الى حيحدد تكملوا قراءة  ولا لأ

 

 

ملاحظات مهمة عن عقاب الاطفال بالضرب والعصبية

  • الزعيق و الضرب والعصبية بتؤدى فى النهاية الى توقف عقل الطفل عن الاستيعاب وبالتالى مش حيفهمك ولا حيفهم هو ليه غلطان ومش حيتستفيد حاجة من الموقف الى مر بيه

  • عقاب الطفل المبالغ فيه بيعمله حاجة من اتنين يا اما الكدب او انه يخبى الى عمله وده اكيد مكنش هدفنا من العقاب احنا هدفنا اننا نعلم الطفل و نفهمه غلطه

  • العقاب دائما مش بيكون على قدر الخطأ وبيكون مبالغ فيه وده بسبب الضغوط الى بنتعرض ليها فى حياتنا بتخلينا نطلع عصبيتنا كلها على الطفل


 

----------------------------------

خطوات التعامل مع السلوك السىء للطفل ( زى مثلا انه قلب  كوباية مياة على الأرض )

1:- انزلى للطفل وكلميه من مستواه الطولى

2:-  احضنه عشان يهدى ويقدريستوعب الى حتقوليه

3:- فهمى الطفل غلطه وعرفيه هو ليه غلط وايه نتايجه

4 :- خليه يساعدك فى حل المشكلة الى تسبب فيها

 

فى حالة انك اتعصبتى على الطفل او ضربتيه لازم تعتذرى للطفل وتفهميه ان الضرب و الزعيق والصوت العالى سلوك مش سليم وده عشان ميتبعش هو كمان معاكى نفس الاسلوب
اعلان 1
اعلان 2

0 التعليقات :

إرسال تعليق

عربي باي