728x90 شفرة ادسنس

الثلاثاء، 10 مايو، 2016

10 خطوات عشان تخلي ابنك يصلي

1. الصلاة هي الأساس
اتفقنا أن الصلاة يعني ألف باء حياة . تواصل مع اللي خالقك بشكل يومي . يعني اول ما هنتحاسب عليه قدام ربنا واحنا نفسنا نتقابل احنا واولادنا في الجنة ان شاء الله

2. ساعدوا بعض
انا وجيسي بنشجع وبنعين بعض على الصلاة من أول الجواز . لما حد بيكسل التاني علطول بيشده و يدعمه

3. كونوا قدوه
اللي هتعمله ابنك هيعمله. مهما عملت . شتمت هيشتم. ابتسمت هيكون مبتسم. ساعدت هيساعد. صليت هيصلي معاك

4. الخير فرحه
دايما اربط مشاعر الخير و العبادة بالفرحه . بالضحكه. بالهديه. رمضان و الصلاة و الصدقه عند صوفيا يعني وقت ممتع و سعاده حقيقية لأننا ربطنا الخير بالفرحه بالضحكه بالحب .

5. صلاتك انتي
خلي لها سجادتها الخاصة . حجابها الخاص اللي لو حابه تحطه وهيا بتصلي ولو مش حابه براحتها. المهم أن تكون الحاجات الخاصه بيها موجوده في مكان مخصص لها.

6.سامعة الادان يا صوفي
لما يدن الادان وقف كل حاجه وقول لابنك اسمع . إدي للأدان مقامه واهتمام الطفل بيه.
بعد فتره ابنك هو اللي هيفكرك بالصلاة و الأذان.

7. براحته
اوعا تضغط على ابنك في موضوع الصلاة ابدا . مفيش تكليف أساسا له. فبراحته. يسيب الصلاة في النص . يصلي بالشورت أو بالملابس الداخليه .براحته

8.حكايات
إحكوا دايما لولادكم قصص عن الولاد الكويسين اللي بيصلوا. اللي بيعملوا خير . اللي بيحبوا الخير

9.ادعوا
ادعوا في كل صلاة
“اللهم اجعلني مقيم الصلاة ومن ذريتي”

10. اعمل شير للبوست ده لعله يكون سبب أن طفل بكره يكبر ويداوم على الصلاة ويتكتب في ميزان حسناتك

اعلان 1
اعلان 2

0 التعليقات :

إرسال تعليق

عربي باي