728x90 شفرة ادسنس

الاثنين، 25 أبريل، 2016

نصائح من ذهب لصحة اطفالنا

هوا لسه 😧

لسه في دكاترة بيعالجوا الصدر !! وناسيين ان سبب الكحة الأشهر الأنف ..!

لسه في أمهات مش بيكملوا جرعات الأنتى بيوتك ٧ أيام وناسيين ان ده أشهر أسباب الانتكاسات..!

لسه في أمهات بيستسهلوا اللبن الصناعى وناسيين ان الطبيعي يعنى مفيش عدوى ، مفيش قلة مناعة ،  بيحمى من  الحساسية..!

لسه في أمهات  مش عارفين ان ڤيتامين د من اول يوم ولادة ،، والحديد من الشهر السادس ، وڤيتامين أ كل ٦ شهور لغاية ٥ سنين ..!

لسه في دكاترة بتعالج الثلاثى الأشهر (حرارة -ألم بطن-ترجيع) كل اما يتكرر على انه نزلة معوية ،، ومش بناخد بالنا من حمى البحر الأبيض المتوسطFMF واخواتها (Periodic fever syndromes)

لسه في أمهات لما بتشوف ابنها لونه (شحب فجأة) والبول بقى غامق ، والولد بقى "همدان" ،، بتقول "لوَز" وبتدى مضاد من نفسها ،، انزلي اكشفي يا مدام بسرعه دي غالباً أنيميا تكسيرية (فول مثلاً) وابنك ممكن يحتاج نقل دم ..!

لسه في أمهات بتحكم بدرى اوى على فشل المضاد الحيوى؟ -لازم نصبر ٤٨ ساعه ع الحرارة- والعكس امهات بتقعد أسبوع بتدى مضاد والحرارة لسه عالية ،، لو عدى يومين من غير تحسن ارجعي للدكتور !!

لسه في أمهات للأسف بيشيشوا ،، وآباء للأسف بيدخنوا ،، وأطفال ضحايا في الوسط ،، سواء في البيت أو في "الكافية" .. يا قلبي لا تحزن 😥..!

لسه في أطفال عندهم حساسية أنف معندهمش غطاء فراش مضاد ل"عتة الفراش"- بيتباع في أيكيا وهوم سنتر على فكرة-!!

لسه في أطفال عندهم حساسية صدر ومش بيتعالجوا بالجلسات ولا البخاخات وبياخدوا أدوية شرب😧!

لسه في أمهات مش عارفه ان حساسية اللبن ممكن تتنقل من اللبن البقرى اللي بتشربه الأم ويوصل للبيبي ،، اه يعنى ممكن لبنك انتى ابنك يتحسس منه!!

لسه في أطفال متأخرين في "صلب الراس" عن الرابع ، و"القعود" عن التاسع ، والوقوف عن "السنة" والمشي عن " سنة ونصف"ومكشفوش😱

لسه  في أم مش بتصاحب ولادها؟ ، أب مش بيلاعب أطفاله؟ ،، أسرة مش بتصعب الدنيا ،، عشان الدنيا مش مستاهله غم ونكد😡 ،، استمتعوا وكفاية والله انكو بعافية ومع بعض ،، دي بالدنيا كلها والله 😀

لسه في خير كتير ،، وتفاؤل أكتر ،، وأمل في ربنا كبير ،، طول ما بتصحى الصبح وفيك نفس ،، وعندك همة ،، تقدر تغير ، وتحسن من نفسك ،، وتنشر السعادة والأمل في اللى حواليك 😀👍

#تفائلوا ❤️

اه نسيت ...

By khateb clinic

اعلان 1
اعلان 2

0 التعليقات :

إرسال تعليق

عربي باي