728x90 شفرة ادسنس

الاثنين، 4 أبريل، 2016

مدارس عربي ولا لغات مين الأفضل


مبدئيا احنا بنعانى في مصر من سوء العملية التعليمية كلها وده بيشمل كل حاجة سواء مدارس  حكومة او خاصة عربي او  حتى لغات وده بسبب انعدام الرقابة علي المدارس , وانتشار ظاهرة الدروس الخصوصية , لكن ده ميمنمعش اننا نحاول نختار ما بين افضل الموجود ويكون متناسب برده مع إمكانيتنا المادية

مدارس اللغات

حختار مدارس لغات عشان

  • الانجليزى بقي لغة العلم دلوقتى وعشان تتفوق في اى مجال وتتعلم فيه وتبقي محترف لازم تطلع علي اخر حاجة  وصلو ليها وطبعا ده مش حيكون متاح غير بالانجليزى فانت لو مش محترف قوى في الانجليزى حتبقي اقل بكتير من الي في نفس مجالك وعندهم لغة كويسة فعشان كده ضرورى قوى ان المواد العلمية زى الرياضة والانجليزى والعلوم تكون انجليزى
  • تاتى سبب  ان الوظائف حاليا بقي اهم حاجة فيها إتقان اللغة الانجليزية فده معناه ان خريج مدارس اللغات حيبقي مهيأ اكتر من خريج مدارس العربي لسوق العمل

مش حختار مدارس لغات عشان

  • ارتفاع الأسعار بصورة مبالغ فيها
  • بيبقي صعب جدا علي الام انها تتابع مع ولادها لو كانت مش متقنة للغة الأنجليزية
  • للاسف كتير من مدارس اللغات بتمحى اللغة العربية تمام من عقول اولادنا وبيبقي كلام الطلاب داخل المدرسة انجليزى فتلاقي الطفل مثلا ميعرفش يقول الارقام العربي زى ما هو حفظها بالانجليزى.. وبعد فترة بتلاقي كلامه مخلط نصه عربي ونصه انجليزى ومخارج الفاظه طبعا كلها بايظة

مدارس العربي

حختار مدارس عربي عشان 

  • اللغة العربية هى لغة القران ولازم اولادنا يطقنوها
  • اقل بكتير فى التكلفة  وانا امكنياتى متسمحش غير بكده
  • ححافظ على هوية ابنى مش عايزة ابنى يبقي نص كلامه انجليزى ونصه عربي
  • حقدر اذاكره لانى بصراحة ضعيفة شوية فى اللغة الانجليزية

مش حختار مدارس عربى عشان :-

  • انخفاض المستوى التعليمى
  • اولادى مش حيتكلموا اتجليزى كويس وحيبقول اقل كتير من الى فى مدارس لغات
  • مش حلاقى وظائف ليهم بعد التخرج
بصراحة احنا كده اتلغبطنا متقولوا من الاخر  خلاصة الموضوع ايه ؟؟؟

احنا راينا التالي

  • لو معندكش قدرة مادية يبقى حاول تدور علي حاجة تجريبي تكون كويسة حتبقي افضل اكيد من الحكومة
  • لو عندك قدرة مادية يبقى اكيد طبعا مدارس خاصة تكون أفضل  سواء خاصة عربي او خاصة لغات

واحنا بننصح انها تكون مدارس خاصة لغات مع مراعاة

  • لازم تحيب للطفل حد يحفظه قرآن ده فعلا  اكتر حاجة حتخليه بليغ في العربية ومتمسك بهويته وحتحسن مخارج الفاظه
  • نفهم الطفل دايما ان اللغة العربية هى الأساس وانها لغة القران وان احنا بنستخدم الانحليزى فقط في العلوم وعند الضرورة لكن كلامنا مع قرايبنا وصحابنا يكون عربي و ان مينفعش يكون نص كلامنا انجليزى
  • تشجيع الطفل دايما في الاجازات علي قراءة كتب باللغة العربية زى القصص او الروايات
انا مش قادر على مصاريف اللغات اعمل ايه
مفيش مشكلة دخله اى مدرسة متاحة ليك لكن لازم تكون حرص انك حتعلمه الانجليزى فى البيت او حتى كورسات خارجية
هو انا لسه حدفع فلوس كورسات انجليزى فى الاجازة ؟
لا مش لازم خالص الانترنت خلى العالم قرية صغيرة و لو دورت شوية على اليوتيوب او عن طريق جوجل حتلاقى مئات الكورسات والفيدوهات الى ممكن تعلم بيها ابنك وتخليه محترف اتجليزى بجد
اعلان 1
اعلان 2

0 التعليقات :

إرسال تعليق

عربي باي