728x90 شفرة ادسنس

الثلاثاء، 1 مارس، 2016

فقرة سؤال وجواب حتعجبكم جدا

ولد عمره 6 سنوات اتخانق مع واحد صاحبه قي المدرسة و ضربوا بعض وكانت النتيجة ان نضارته اتكسرت
وانتى وصلك الى حصل عن طريق استاذة صديقة لكى في المدرسة
لما رحع وسألتيه ليه نظارتك اتكسرت كدب و قالك انها وقعت منه واتكسرت
تفتكرى يكون ايه تصرفك
----------------------------------------------------------
1:- تعاقبيه لانه كدب سواء بالضرب او بالعنف اللفظى او اى عقاب نفسي زى مثلا المنع من مشاهدة التلفزيون
2:- تعدى الموضوع ولا كانك عارفة حاجة
3:- بعد ما يكدب تقولي ليه انك عرفتى من بره وتفهميه انه غلطان وان كان المفروض يقول الحقيقة لانه لو قال الحقيقة مش حتزعلي منه
4:- ليكى راى تانى وياترى ايه هو ؟؟

------------------------------------------------------------------
و دى هى رؤيتنا  لحل المشكلة

هو مبدئيا مش لازم تقومى بدور  وكيل النيابة مع ابنك او  تكونى ظابط المباحث الشاطر  الي حيمسك المجرم الكداب متلبس
فطالما انتى عرفتى اصلا ان اتخانق مع واحد صاحبه و بسبب ده النضارة اتكسرت ايه لزمة انك تحطيه في وضع انه ممكن يكذب و يدارى علي غلطه

بادرى انتى وقوليله انا عرفت انك اتخانقت مع واحد صاحبك يا ترى ايه السبب وتقولي ده بصوت هادى وبحنية لازم تطمنيه عشان ميكدبش

وملوش لزمة خالص انك تساليه ايه ااي كسر النصارة

----------------------------------------------------------

الاختيار رقم 1 طبعا مرفوض لان الضرب عمره ما كان اسلوب تربوى او عقابي ده غير انك كده مزرعتيش فيه حاحة مفيدة بالعكس انتى خوفتيه اكتر وجتخليه يكدب اكتر عشان ميضربش تانى
-----------------------------------------------------
الاختيار الثانى غلط  برده لانه كده حيحس ان الكدب خلاه ينجى من العقاب ده غير انك فوتى فرصة حلوة انك تعليمه ان مينفعش يتخانق مع أصحابه وان لو حد بيصايقه يشتكى للمدرسة بتاعته او لبكى
------------------------------------------
زى ما اتفقنا  ان الصح انك اصلا متدهوش فرصة انه يكدب طالما انتى عارفة الحقيقة لكن لو حصل و كدب فعلا حيكون مناسب انك تديله فرصة تانية بمعنى انك توقفي نقاش و بعد فترة او تاتى بوم تفتحى الموضوع تانى معاه وتقولي ليه احكيلي تانى انت اكيد في تفاصيل نسيتها وتستغلي الفرصة عشان تزرعى فيه قيم  و مبادىء جديدة
-----------------------------------------------
نصيحة اخيرة لو ابنك مرة عمل حاجة غلط  ومكديش وصارحك بيها اوعى تعاقبيه لانك بكده  بتوصليه رسالة ان الصدق والصراحة نتيجتهم العقاب وعمره ما حيكون صريح معاكى تانى

اعلان 1
اعلان 2

0 التعليقات :

إرسال تعليق

عربي باي