إبنك لو عايز حاجة وما اخدهاش بيتحول لوحش؟ بيتحول لإنسان تاني؟ يصرخ ويرمي نفسه على الأرض؟ وممكن يضربك وممكن يكسر أي حاجة قدامه؟إبنك مش قليل الأدب، ولا انتي فشلتي في تربيته.هو بس محتاج يفهم حاجة ويتعلم حاجة.
محتاج يفهم ويتاكد ان صريخه وعياطه مش هيغير كلامك مهما حصل.اصل احنا ساعات بنقول لأ ولما نزهق من الصريخ بنقول "أصله تعبان النهارده"، "اصله مش نايم كويس" ، "اصله جعان"، "اصلها زعلانه عشان بقى لي كام يوم مشغوله عنها" وغيره وغيره من الأعذار اللي بنلتمسها (لنفسنا) عشان نبرر (لنفسنا).. (تراجعنا) عن (موقفنا). بينما كل المطلوب هو اننا لو قلنا لأ.يبقى مهما حصل ما نرجعش في كلامنا. وده هيعلمنا نفكر قبل ما نقول لأ ؛)
ومحتاج يتعلم يتقبل الرفض.وعشان يتعلم المهاره دي، لازم احنا نرفض احيانا. ولو رفضنا وزعل؛ نصبره، وبرضه ما نعملش اللي هو عايزه.وبكده نبقى جمعنا الحنيه والحزم في نفس الوقت
ليست هناك تعليقات:
إرسال تعليق