#شبعوا_ولادكم
و المقصود هنا مش الشبع في (أكل و شرب) لإن ده أدنى درجات الشبع لكن المقصود شبعوهم حنان شبعوهم أمان شبعوهم صحوبية شبعوهم أحضان شبعوهم ضحك.
خدوا من وقتكم و أدوهم صحابوهم و إلعبو ا معاهم خدوهم في حضنكم و خلوهم يناموا جواه يحسوا بالأمان معاكم لو رجعنا عدنا النظر في الموضوع هنلاقي إننا أكتر إحتياج للحضن ده منهم.
لاعبوهم و ادخلوا معاهم عوالمهم إسرحوا جوا خيالاتهم و دوبوا وياهم فيها.
شغلك مهم أه لكن ولادك أهم و ايه الفايدة لو كسبت الشغل و ضيعت اللي بتشتغل عشانهم.
أصلها دايرة و مقفولة حتديهم حنان النهاردة هيكونوا أحن عليك بكرة.
هتسأل و تهتم النهاردة مش هيسيبوك بكرة.
ولادنا أهم حاجة في الدنياوخدوا بالكم منهم.
و خليكم دايما فاكرين إنهم لو " مشبعوش جوا البيت هيدوروا على الشبع براه و هيكون في فاتورة لازم تندفع و اللي هيدفع الفاتورة هما إحنا بس الحساب هيبقى تقيل قوي "
ليست هناك تعليقات:
إرسال تعليق